“Жнівеньскі зарапад” сабраў прыхільнікаў паэтычнага слова ў канцэртнай зале Дома культуры імя Куйбышава ў мінулую пятніцу
Свята вялі гомельскі паэт Іван Бісеў загадчыца цэнтральнай раённай бібліятэк Святлана Грынчык.
Права адкрыць паэтычную сустрэчу даручылі настаяцелю Свята-Мікалаеўскага сабора г. Добруша айцу Аляксію. Святар звярнуўся да прысутных з прамовай аб важнасці і неабходнасці сяброўства з кнігай. Ён выказаў упэўненасць у тым, што наша моладзь у большасці звяртаецца ў пэўныя моманты жыцця да крыніцы ведаў каб знайсці адказы на хвалюючыя пытанні. Айцец Аляксій блаславіў удзельнікаў су- стрэчы і ўручыў ікону Святога Мікалая начальніку аддзела культуры райвыкан- кама Рыгору Козыраву.
Перад удзельнікамі паэтычнага свята выступіў аўтар шматлікіх зборнікаў вершаў, лаўрэат Дзяржаўнай прэміі Рэспублікі Беларусь Міхась Башлакоў. Свае паэтычныя творы прадставіла на суд слухачоў гомельская паэтэса Алена Агіна. На сустрэчу запрасілі пісьменніка Васіля Ткачова – лаўрэата расійскай прэміі Баяна.
– У горада над Іпуццю ёсць сваё асаблівае прыцягненне, – адзначыў Іван Бісеў. - Гэта сведчыць аб тым, што наш ы продкі ўмелі выбіраць месца для будоўлі. Побач – Расія, Украіна – брацкія славянскія краіны, з якімі звязана гісторыя нашага народа.
“Жнівеньскі зарапад” вітаў прадстаўнікоў дэлегацыі расійскіх паэтаў. Прысутныя пазнаёміліся з творчасцю злынкаўскага паэта Сяргея Сідарава (на здымку), які прадставіў увазе ўдзельнікаў мерапрыемства цыкл вершаў аб жыцці.
Яркім момантам паэтычнага свята стала выступленне нашага добрушскага паэта, аўтара зборніка вершаў “Падгледжана ў жыцця” Рыгора Козырава. Віртуозна і з далікатным густам ён змог прадэманстраваць свае творчыя здольнасці ў чатырохрадкоўях на розныя жыццёвыя сітуацыі. Цікава, што пры гэтым, Р. Козыраў не лічыць сябе таленавітым. Але, узяўшы ў рукі баян, ён выконвае песню “Добрушскі вальс” пад гучныя апладысменты слухачоў.
Прысутных мерапрыемства пазнаёмілі з прадстаўнікамі Гомельскай школы маладога літаратара. Не абышлі ўвагай вядомых паэтаў Гомельшчыны і Добрушчыны, якія наведалі паэтычную сустрэчу. Ганна Атрошчанка, Ніна Шклярава, Юрый Фатнеў, Таццяна Свірыдзенка, Людміла Яськова, Пётр Хандожка, Мікалай Ждановіч іншыя таленавітыя аўтары дапамаглі прысутным акунуцца ў чароўны свет паэзіі, напоўніць сэрцы ўдзельнікаў свята мелодыяй слова.