Дастойна прадставілі Ельшчыну на традыцыйнай сустрэчы прыгранічных абласцей Расіі, Украіны і Беларусі, якая прайшла ў Ветцы, майстры раённага цэнтра рамёстваў.
Яны прынялі ўдзел у выстаўцы вырабаў дэкаратыўна-прыкладнога мастацтва і народных рамёстваў "Суквецце рамёстваў". Госці і жыхары Веткі з вялікай ахвотай атрымлівалі ад ельскіх умеліц майстар-класы па саломапляценні, набывалі сувеніры і гулялі ў бяспройгрышную латарэю.
