Міжнародны фестываль творчасці інвалідаў “Мы разам!” прайшоў у нашым горадзе напярэдадні Дня інвалідаў Рэспублікі Беларусь
Арганізатарам фестывалю выступіў тэрытарыяльны цэнтр сацыяльнага абслугоўвання насельніцтва Добрушскага раёна. Дапамогу ў правядзенні мерапрыемства аказаў аддзел культуры райвыканкама.
Галоўнай мэтай мерапрыемства стала рэалізацыя і павышэнне творчага патэнцыялу людзей з асаблівасцямі псіхафізічнага развіцця. У фестывалі прынялі ўдзел дзеці-інваліды і інваліды, якія прыехалі з розных раёнаў Гомельскай вобласці, а таксама з Украіны і Расіі.
Прасторнае фае раённага Дома культуры імя Куйбышава сустрэла ўдзельнікаў мерапрыемства выставамі, арганізаванымі спецыялістамі і выхаванцамі тэрытарыяльных цэнтраў Добрушскага, Гомельскага, Веткаўскага, Буда-Кашалёўскага, Чачэрскага, Кармянскага раёнаў Гомельскай вобласці, г. Злынкі Бранскай вобласці, г. Шчорса Чарнігаўскай вобласці. Цудоўныя фантазіі з бісеру, кампазіцыі папье-машэ, вырабы з пластыка, тканіны, сурвэтак прадставілі наведвальнікам выхаванцы Чачэрскага тэрытарыяльнага цэнтра. Добрушскі тэрытарыяльны цэнтр сацыя льнага абслугоўвання прапанаваў удзельнікам фестывалю цікавыя вырабы з гіпсу, рознакаляровых тканін, нітак. Далікатныя ёлачкі з тонкага цюлю, маляўнічыя карціны з кававага зерня, сувенірныя бутэлькі, упрыгожаныя ласкуткамі скуры, марскімі ракавінкамі, дрэвы з бісеру, кампазіцыі з засушаных кве- так радавалі вока яркімі фарбамі і часцінкай сэрца, якую аўтары вырабаў уклалі ў свае работы. Тэрытарыяльным цэнтрам сацыяльнага абслугоўвання насельніцтва Кармянскага раёна была створана сапраўдная тэматычная пляцоўка. Вакол прыгожага вясковага доміка размяшчалася падвор’е з хатняй жывёлай і птушкамі. Каля плота стаялі гаспадары – дзед і баба. Кожная дэталь кампазіцыі вылучала дабрыню і надзею руплівых рук выхаванцаў і іх кіраўнікоў.
Са словамі прывітання і віншавання да ўдзельнікаў фестывалю звярнулася дэпутат Палаты прадстаўнікоў Нацыянальнага сходу Рэспублікі Беларусь Ала Навумчык:
- Міжнародны фестываль творчасці інвалідаў пранізаны дабрынёй і цяплом сэрцаў яго ўдзельнікаў і арганізатараў. Нездарма месцам яго правядзення абраны горад Добруш, які асацыіруецца ў гаспадароў і гасцей са словамі “добры”, “утульны”, “гасцінны".
Дэпутат пажадала рабятам прыемных знаёмстваў, цікавых адкрыццяў, новых здзяйсненняў.
3 найлепшымі пажаданнямі творчых поспехаў, упэўненасці ў перамозе, аптымізму і надзеі на лепшую будучыню да ўдзельнікаў мерапрыемства звярнуліся старшыня раённага Савета дэпутатаў Аляксандр Барсякоў, намеснік старшыні райвыканкама Уладзімір Емяльянаў, намеснік старшыні камітэта па працы, занятасці і сацыяльнай абароне Гомельскага аблвыканкама Галіна Бікулава, дырэктар тэрытарыяльнага цэнтра сацыяльнай абароны г. Шчорса Чарнігаўскай вобласці Міхаіл Якавец.
Са словамі наказу на добрыя справы перад прысутнымі выступіў настаяцель Свята-Мікалаеўскага сабора г. Добруша айцец Аляксій. Ён пажадаў рабятам добрых подзвігаў, надзей і благадаці Божай і ўручыў ім у падарунак светлавое суправаджэнне для музычных нумароў.
Адкрыў фестываль Міхаіл Базулька вершам “На што мы трацім жыццё?”, які выступіў у намінацыі “Мастацкае чытанне”. Разам з ім у гэтай намінацыі выступілі Вольга Савянок са Злынкі Бранскай вобласці з вершам “Пасланне мужчынам”, Алена Клімовіч з Гомеля з вершам “Дабрыня”, Таццяна Марозава з г. Кармы Гомельскай вобласці з вершам “Пра рудую дварнягу”, Наталля Карнавушанка з г. Чачэрска з вершам “Кветкі прабачэння” і іншыя.
Намінацыя “Выканальніцкае майстэрства” парадавала гледачоў не менш. У ёй свае нумары прадставілі ўвазе прысутных Вольга Карчэўская, Віталій Камісарук і Юрый Афанасенка з г. Веткі, танцавальны калектыў “Крок да мары” з Добруша, Сяргей Бобрыкаў і Алена Яршова з Добруша, Валянціна Лебедзева з Буда-Кашалёва, Вадзім Азяракін з Добруша.
Юрый Лашкін з Чачэрска, Таццяна Лявонава з Буда-Кашалёва і іншыя ўдзельнікі паказалі свае таленты ў намінацыі “Інструментальнае майстэрства”.
Танцавальныя нумары Дзмітрыя Арышчанкі з Веткі, Алены Яршовай з Добруша, якія выступілі ў намінацыі “Харэаграфія", надалі фестывалю яркіх эмоцый, бязмежнага пазітыву і добрага настрою.
Фестываль завяршыўся тэатральнай пастаноўкай “Чырвоная шапачка на новы лад” у выкананні інвалідаў, спецыялістаў Добрушскага тэрытарыяльнага цэнтра сацыяльнага абслугоўвання насельніцтва і валанцёраў аддзялення дзённага знаходжання інвалідаў.
Удзельнікі фестывалю не засталіся бездыпломаў і падарункаў. Кожны намінант узяў на памяць аб свяце дабрыню і цяпло сэрцаў тых людзей, якія арганізавалі і правялі яго. За арыгінальнасць у творчасці дыплом атрымаў Вячаслаў Твердакоў, Алена Яршова і Сяргей Бобрыкаў былі адзначаны ў намінацыі “Пераадоленне”, леп- шым сярод чытальнікаў назвалі Міхаіла Базульку, пераможцам у намінацыі “Актыўная жыццёвая пазіцыя” стаў Вадзім Азяракін.
Дарэчы, прызы глядацкіх сімпатый да фестывалю падрыхтавалі і ўручылі яго ўдзельнікам старшыня Гомельскага абласнога аддзялення “Беларускі фонд міру” Ц. Глушакоў, настаяцель Свята-Мікалаеўскага сабора г. Добруша айцец Аляксій, старшыня раённага савета ветэранаў У. Лузанаў, старшыня райкама прафсаюзаў работнікаў аграпрамысловага комплексу B. Баўкуновіч, спецыялісты Добрушскай цэнтральнай бібліятэкі B. Шаўчэнка, Л. Яськова і В. Ятчанка, член праўлення Добрушскай грамадскай арганізацыі інвалідаў I. Даніленка, старшыня раённай арганізацыі Беларускага Таварыства Чырвонага Крыжа Вольга Загараднюк, дырэктар тэрытарыяльнага цэнтра сацыяльнага абслугоўвання г. Шчорса М. Якавец, прадстаўнік тэрытарыяльнага цэнтра сацыяльнага абслугоўвання насельніцтва г. Злынкі В. Макаранка.
Свята не адбылося б, калі б не падтрымка спонсараў. Фінансаванне для правядзення фестывалю ўзялі на сябе таварыствы з абмежава най адказнасцю “Мае сэнс”, “Вестлайн”, “Белагразапчастка”, індывідуальныя прадпрымальнікі А. Рагаўцоў, С. Чуракоў, А. Любезны, цэнтр банкаўскіх паслуг № 309 у г. Добрушы Беларусбанка, разлікова-касавы цэнтр № 12 у г. Добрушы філіяла “Белаграпрамбанк”, прыватнае прадпрыемства “САТАП-БЕЛ”, таварыства з дадатковай адказнасцю “Галеас”, Добрушскі хлебазавод.
Фінальная песня сабрала ўсіх арганізатараў і ўдзельнікаў фестывалю. Радасныя ўсмешкі гледачоў, шчаслівыя твары канкурсантаў, станоўчы настрой дарослых, якія атрымалі задавальненне ад таго, што змаглі яшчэ адзін дзень дзяцей з асаблівасцямі псіхафізічнага развіцця зрабіць цікавым і поўным пазітыўных эмоцый, панавалі ў святочнай канцэртнай зале. Пакеты з падарункамі для рабят, падрыхтаваныя Добрушскім фарфоравым заводам, зрабілі імгненні свята незабыўнымі і прыемнымі.